प्रधानमन्त्री तथा मन्त्रिपरिषद्को कार्यालयमा अहिले तीन बजे दुई वटा महत्वपूर्ण बैठक बस्दैछ । प्रधानमन्त्री बालेन शाहले दिउँसो ३ बजेका लागि मन्त्रिपरिषद्को बैठक बोलाएका हुन् । हिजो र आज लगातार मन्त्रिपरिषद्को बैठक बस्न लागेको हो । यस अघि हिजो बसेको मन्त्रिपरिषद्को बैठकले राष्ट्रपति रामचन्द्र पौडेलले पुर्न विचार गर्न भन्दै सरकारलाई नै फिर्ता पठाएको संवैद्यानिक परिषद्सँग सम्बन्धित अध्यादेश पुन हवहु शीतलनिवासमै फिर्ता पठाउने निर्णय गरेको थियो ।
बिज्ञापन
आजै राष्ट्रपति रामचन्द्र पौडेलले यसअघि सरकारले सिफारिस गरेको आठौँ अध्यादेश जारी गरेका थिए । संवैधानिक परिषद्सम्बन्धीसहित सबै आठै वटा अध्यादेश जारी भएसँगै अब संसद अधिवेशन बोलाउने सरकारको तयारी छ । प्रधानमन्त्री कार्यालय स्रोतका अनुसार,आजको बैठकले संघीय संसदको अधिवेशन आह्वानका लागि राष्ट्रपतिसमक्ष सिफारिस गर्ने निर्णय गर्ने सम्भावना रहेको छ ।
बिज्ञापन
उता प्रधानमन्त्री कार्यालयमै अहिले ठीक तीन बजेदेखि संविधान संशोधनका लागि बहसपत्र तयार गर्न गठित कार्यदलको बैठक बस्दै छ । अपरान्ह तीन बजेदेखि बस्न लागेको सो बैठकमा संवैधानिक निकायका पूर्वप्रमुख, पूर्वमुख्यसचिव, परराष्ट्रविद् तथा पूर्वप्रशासकहरू छलफल हुँदैछ । आजको बैठकमा पूर्वउच्चपदस्थ अधिकारी, पूर्वमुख्यसचिव, परराष्ट्रविद् तथा प्रशासनिक विज्ञहरूसँग परामर्शका लागि उपस्थित हुने जनाइएको छ ।
बिज्ञापन
